Ndërlidhjet

Lavrov i tha Kerry se militantët po kalojnë nga Turqia në Siri


John Kerry (majtas) dhe Sergei Lavrov gjatë një takimi të mëparshëm

John Kerry (majtas) dhe Sergei Lavrov gjatë një takimi të mëparshëm

Ministri i jashtëm i Rusisë, Sergei Lavrov, i ka thënë sekretarit amerikan të shtetit, John Kerry, gjatë një bisede të mbrëmshme telefonike, se militantët ende po kalojnë nga Turqia në Siri, ka njoftuar Ministria e jashtme ruse.

“Lavrov edhe një herë ka tërhequr vërejtjen në kufirin Turqi – Siri, që ende ka vrima dhe, sipas të dhënave tona, po shfrytëzohet aktivisht për transferin e militantëve në Siri nëpër Turqi”, thuhet në njoftimin e Ministrisë së jashtme të Rusisë.

Muajin e kaluar, zoti Lavrov ka bërë thirrje për implementim të plotë të rezolutave të Këshillit të Sigurimit të Kombeve të Bashkuara, që kërkojnë ndaljen e tregtisë së naftës me grupin, Shteti Islamik, dhe për ndalje të kalimit të “terroristëve” në Siri nga Turqia dhe vendet e tjera.

Në bisedën telefonike të dy diplomatët e lartë, po ashtu, diskutuan për ndërmarrjen e “masave konkrete për forcimin e procesit të armëpushimit në Siri”, që ishte arritur në muajin shkurt dhe në përgjithësi është respektuar.

XS
SM
MD
LG