Ndërlidhjet

Raportohet për luftime të ashpra në Nagorno-Karabah


Pamje e qytetit Agdam në rajonin Nagorno-Karabah

Pamje e qytetit Agdam në rajonin Nagorno-Karabah

Raportohet për luftime të ashpra në rajonin kontestues Nagorno-Karabah, brenda Azerbajxhanit.

Ushtria e Armenisë i ka akuzuar forcat e Azerbajxhanit se kanë lansuar ofensivë madhore, me tanke, artileri të rëndë dhe helikopterë luftarakë.

Ushtria e Azerbajxhanit thotë se forcat e vijës së parë të saj ishin “sulmuar nga zjarri intensiv” gjatë natës dhe se është dashur të ndërmerren “masa urgjente” nga ushtria.

Rajoni Nagorno-Karabah shtrihet brenda Azerbajxhanit, por është nën kontroll të armenëve etnikë.

Ministria e mbrojtjes e Armenisë tha se ka “viktima në të dy anët” derisa duket se luftimet po vazhdojnë.

Ky konflikt ka nisur në vitet e shkatërrimit të ish-Bashkimit Sovjetik, ndërsa përpjekjet për arritjen e zgjidhjes së përhershme kanë dështuar.

XS
SM
MD
LG