Ndërlidhjet

logo-print

Dhjetëra të vrarë nga sulmet në Irak


Pamje pas sulmeve të sotme në veri të Bagdadit, 4 prill 2016

Pamje pas sulmeve të sotme në veri të Bagdadit, 4 prill 2016

Militantët në Irak kanë nisur sot një valë të sulmeve vetëvrasëse përgjatë vendit, duke lënë të vrarë të paktën 29 njerëz dhe duke lënduar dhjetëra të tjerë, njoftojnë zyrtarët.

Sulmi më vdekjeprurës ndodhi në provincën jugore të Dhi Qar, kur një sulmues vetëvrasës hodhi vetën në erë brenda një restorani të frekuentuar kryesisht nga forcat shiite paramilitare, duke vrarë të paktën 14 njerëz.

Njoftohet se 27 njerëz të tjerë janë lënduar në sulmet që kishin shënjestruar një restoran të famshëm në autorrugën kryesore që e lidhë Bagdadin me provincat jugore, thonë zyrtarët policorë.

Dhi Qar ndodhet rreth 320 kilometra në juglindje të kryeqytetit.

Në të njejtën kohë, një veturë bombë shpërtheu në një zonë tregtare në qytetin Basra, duke vrarë pesë njerëz dhe lënduar 10 të tjerë, njoftojnë zyrtarët policorë.

XS
SM
MD
LG