Një sulmues vetëvrasës ka vrarë së paku tetë veta në Bagdad.
Sulmi ka ndodhur pas faljes së xhumasë, në një xhami shiite, në qarkun Al-Radvanija.
Mbi 30 veta po ashtu janë plagosur.
Sipas zyrtarëve, sulmuesi i dytë vetëvrasës në xhami është qëlluar dhe vrarë nga forcat e sigurisë përpara se ka shpërthyer eksplozivët e tij.
Amaq, një agjenci e lajmeve e lidhur me grupin militant Shteti Islamik, ka thënë se ky i fundit qëndron prapa sulmit.
Shteti Islamik, me pjesëtarë kryesisht sunitë, është duke luftuar forcat qeveritare në veri dhe perëndim të Irakut dhe disa herë ka sulmuar zonat shiite në Bagdad.