Protestuesit dogjën fotot e Ivanovit
Protestat anti-qeveritare të natës që po mbahen në Maqedoni, tani kanë hyrë në javën e tretë. Mijëra njerëz marshuan sërish në qendër të Shkupit, natën e 26 prillit, me disa protestues që dogjën fotografitë e presidentit Gjorgje Ivanov. Protestuesit po e quajnë “revolucioni shumëngjyrësh” dhe sërish disa prej tyre gjuajtën ngjyrë në ndërtesat qeveritare, kësaj radhe në drejtim të Ministrisë së Drejtësisë. Maqedonia po përballet me krizën politike që dy vite. Kriza u thellua më herët këtë muaj pasi presidenti Ivanov amnistoi figurat politike dhe zyrtarët qeveritarë, të dyshuar për përfshirje në skandale korruptive.