Ndërlidhjet

logo-print

Vajza e Obamës do të studiojë në Harvard


Malia ( e para në të djathtë), vajza e madhe e presidentit amerikan, Barack Obama, Nëntor 2012

Malia ( e para në të djathtë), vajza e madhe e presidentit amerikan, Barack Obama, Nëntor 2012

Shtëpia e Bardhë ka njoftuar se Malia, vajza e madhe e presidentit amerikan Barack Obama, planifikon t’i ndjek studimet në Universitetin e Harvardit në vitin 2017, pasi ka vendosur të pauzojë një vit pas diplomimit nga shkolla e mesme.

“Presidenti dhe zonja Obama kanë njoftuar sot se vajza e tyre Malia do t’i ndjekë studimet në Universitetin e Harvardit në vjeshtë të vitit 2017, si pjesë e Klasës 2021. Malia do të pauzojë një vit përpara se t’i fillojë studimet”, thuhet në kumtesën e lëshuar sot nga Shtëpia e Bardhë.

Malia është vazja e madhe, nga dy vajza që ka presidenti Obama. Aktualisht ajo është 17 vjeçare dhe është në vitin e fundit të shkollës së mesme “Sidewell Friends School” në Uashington, nga ku pritet të diplomojë në muajin qershor.

Të dy prindërit e saj kanë kryer studimet për drejtësi në Harvard, një universitet elitar në Kembridxh, Maseçusets, ku shumë prej fëmijëve të presidentëve të kaluar amerikanë kanë studiuar.

XS
SM
MD
LG