Kuvendi i Kosovës do të mblidhet të enjten në ora 16:00, në një seancë solemne. Vendimi është marrë nga Kryesia e Kuvendit.
Kryetari i Kuvendit, Kadri Veseli bëri të ditur se kjo seancë, me karakter solemn, ka të bëjë me rekomandimin nga Komisioni Evropian për liberalizimin e vizave për qytetarët e Kosovës, i cili pritet të bëhet të mërkurën, si dhe ndërlidhet me vizitën në Kosovë të Përfaqësueses së Lartë të Bashkimit Evropian për Politikë të Jashtme dhe Siguri, Federica Mogherini.
