Policia i ka arrestuar dy afganë në pjesën jugore të Italisë, në kuadër të hetimeve lidhur me një grup militant, i dyshuar se ka planifikuar sulme në Itali, Francë dhe Britani.
Prokurori italian, Roberto Rossi, tha se nuk ka dëshmi për ndonjë sulm të menjëhershëm, “por është e qartë se ata po bënin përgatitje”.
Emrat e të dyshuarve janë Hakim Nasiri, 23 vjeçar, dhe Gulistan Ahmadzai (29).
Nasiri është i akuzuar për terrorizëm ndërkombëtar, ndërsa Ahmadzai për ndihmë në imigrimin ilegal.
Atyre u ishte dhënë lejeqëndrim humanitar në Itali.
Policia tha se ka dhënë urdhërarrest edhe për tre persona të tjerë të dyshuar, dy afganë dhe një pakistanez.