Ndërlidhjet

SHBA nis sot ndërtimin e mbrojtjes raketore në Poloni


Stacioni i mbrojtjes raketore ne Rumani, i cili është aktivizuar më 12 maj.
Stacioni i mbrojtjes raketore ne Rumani, i cili është aktivizuar më 12 maj.

Shtetet e Bashkuara nisin sot ndërtimin e një sistemi ushtarak në Poloni, që do të jetë pjesë e mburojës raketore të NATO-s në Evropë.

Uashingtoni ka thënë se mburoja synon të mbrojë NATO-n nga raketat me rreze të shkurtër dhe të mesme, sidomos nga Lindja e Mesme.

Rusia kundërshton fuqishëm rrjetin e mbrojtjes raketore, duke pohuar se qëllim i saj është të minojë parandaluesin bërthamor rus dhe të rrënojë balancën strategjike rajonale.

Të enjten, Shtetet e Bashkuara kanë aktivizuar stacionin e parë të mbrojtjes raketore në Rumani, pavarësisht kundërshtimeve të Moskës.

Puna në stacionin në Redzikovo të Polonisë do të përfundojë në vitin 2018.

Stacioni, me seli rreth 250 kilometra larg enklavës ruse të Kaliningradit, do të përfshijë 24 raketa tokësore SM-3 dhe sisteme anti-ajrore.

XS
SM
MD
LG