Ndërlidhjet

logo-print

Miratohet Karta për qasje në shënimet e Qeverisë së Kosovës


Ministri për Integrimin Evropian të Kosovës, Bekim Çollaku.

Ministri për Integrimin Evropian të Kosovës, Bekim Çollaku.

Ministri për Integrimin Evropian të Kosovës, Bekim Çollaku, ka bërë të ditur se Qeveria e Kosovës ka miratuar Kartën për hapjen e të dhënave, e cila u mundëson individëve, mediave, shoqërisë civile dhe bizneseve qasje në shënimet e qeverisë.

Sipas Çollakut, Kosova, në këtë aspekt, po zë trendet e fundit evropiane dhe botërore.

“Përveç faktit që ky hap është shumë i rëndësishëm drejt rritjes së transparencës dhe llogaridhënies, nga hapja e të dhënave përfitojnë institucionet publike dhe private dhe përfundimisht çdo qytetar. Qasja në shënimet e qeverisë mund të fuqizojë individët, mediat, shoqërinë civile dhe bizneset, në mënyrë që të ketë rezultate më të mira në shërbimet publike dhe qeverisjen e mirë. Karta të cilën e kemi miratuar është në pajtim të plotë me parimet dhe praktikat më të mira të të dhënave të hapura”, ka shkruar Çollaku në llogarinë e tij në Facebook.

XS
SM
MD
LG