Ndërlidhjet

logo-print

Moskë: Policia e vrau një plaçkitës të bankës


Pamje pas operacionit të policisë në një bankë të Moskës

Pamje pas operacionit të policisë në një bankë të Moskës

Policia në Moskë thotë se një person, i cili i kishte zënë peng disa njerëz gjatë një plaçkitjeje të bankës, është vrarë.

Zëdhënësja e policisë, Sofia Khotina, i tha rrjetit shtetëror, Rossiya-24, se personi ishte “likuiduar” gjatë një operacioni të forcave speciale, mbrëmë vonë.

Askush nga 6 personat e rrëmbyer nuk kanë pësuar lëndime, ndërsa pesë prej tyre ishin liruar para operacionit të policisë.

I rrëmbyeri i 6-të ishte arkatar, i cili ishte strehuar në një dhomë të sigurt të bankës.

Raportet e mediave thonë se personi me maskë kishte hyrë në degën moskovite të Credit Bank dhe duket se kishte revole.

Pasi pjesa më e madhe e të rrëmbyerve ishte liruar, raportohet se sulmuesi kishte kërkuar një shumë të madhe të të hollave dhe ishte kërcënuar se do ta aktivizonte një bombë.

XS
SM
MD
LG