Ministria e Arsimit, Shkencës dhe Teknologjisë ka organizuar sot testin e arritshmërisë për klasat e IX në të gjitha komunat e Kosovës.
Testit, i cili do të jetë përcaktues në përzgjedhjen e drejtimeve në shkollimin e mesëm, i janë nënshtruar rreth 30 mijë nxënës.
Ata janë përgjigjur në pyetjet nga lëndët: gjuhë shqipe, matematikë dhe histori.
Testi është organizuar në 102 qendra të testimit dhe është monitoruar nga zyrtarë të Ministrisë së Arsimit.
Rezultatet pritet të shpallen më 30 maj.
