Ndërlidhjet

logo-print

Putin premton më tepër bashkëpunim me Izraelin kundër terrorit


Vladimir Putin (majtas) dhe Benjamin Netanyahu, gjatë takimit të sotëm në Moskë

Vladimir Putin (majtas) dhe Benjamin Netanyahu, gjatë takimit të sotëm në Moskë

Presidenti i Rusisë, Vladimir Putin, thotë se Moska do ta forcoj bashkëpunimin me Izraelin në luftën kundër terroristëve.

Mëtutje, duke folur sot pas takimit me kryeministrin e Izraelit, Benjamin Netanyahu, zoti Putin tha se të dy vendet duhet “t’i bashkojnë përpjekjet për ta luftuar terrorizmin ndërkombëtar”.

Ai tha se Rusia dhe Izraeli kanë përvojë të madhe në luftimin e ekstremizmit dhe janë “aleatë të pakushtëzuar” kur është çështja e luftës kundër terrorit.

Netanyahu tha se Rusia dhe Izraeli ballafaqohen me kërcënime të përbashkëta dhe kanë mjaftë gjëra për të diskutuar.

Derisa Rusia e ka shtuar rolin e saj ushtarak në Siri duke e ndihmuar regjimin e presidentit të Sirisë, Bashar al-Assad, me sulme ajrore dhe të tjera, Izraeli në masë të madhe ka qëndruar larg konfliktit.

Por, Netanyahu ka konfirmuar se vendi i tij operon matanë kufirit për ta parandaluar grupin militant libanez, Hezbollah, që të mos pajiset me armatime të fuqishme.

Netanyahu tha në muajin prill se koordinimi i ngushtë ushtarak me Rusinë është i nevojshëm për evitimin e “gabimeve, keqkuptimeve dhe incidenteve potenciale”.

XS
SM
MD
LG