Ndërlidhjet

Shultz: Komentet e Erdoganit “nuk do të kalojnë pa pasoja”


Norbert Lammert

Norbert Lammert

Politikanët evropianë janë përgjigjur me kritika kundër presidentit të Turqisë, Recep Tayyip Erdogan, për denoncimin që u ka bërë ligjvënësve gjermanë lidhur me votimin e tyre, me të cilin masakra e Perandorisë Osmane kundër armenëve njihet si gjenocid.

Presidenti i Turqisë i ka kritikuar ashpër 11 ligjvënës të Bundestagut me origjinë turke, që kanë votuar në favor të rezolutës javën e kaluar, duke sugjeruar se ata kanë “gjak të infektuar”.

Me rezolutën e Bundestagut gjerman, të miratuar javën e kaluar, vrasja e 1.5 milionë armenëve në Luftën e Parë Botërore cilësohet si gjenocid.

Kryesuesi i Parlamentit të Gjermanisë, Norbert Lammert, tha mbrëmë se “nuk do të kishte menduar se është e mundshme që presidenti i zgjedhur në mënyrë demokratuke në shekullin e 21” mund të bëjë kritikë të tillë, që përmbanë “kërcënime dhe ofendime urrejtëse”.

Presidenti i Parlamentit Evropian, Martin Schultz, po ashtu, ka shprehur “shqetësim të madh” për deklaratat e liderit të Turqisë, duke thënë se komentet e Erdoganit “nuk do të kalojnë pa pasoja në marrëdhëniet ndërkombëtare”.

XS
SM
MD
LG