Ndërlidhjet

logo-print

Ferizi, sot deklarohet për akuzat për terrorizëm


Ilustrim

Ilustrim

Sot në orën 16, sipas orës lokale të Kosovës, në Virxhinia të SHBA-ve, fillon seanca dëgjimore për shtetasin e Kosovës, Ardit Ferizi lidhur me akuzat për terrorizëm.

Seanca do të mbahet në Gjykatën e Qarkut në Virxhinia, ndërsa më parë ai ishte deklaruar i pafajshëm ndaj akuzave për sigurimin e mbështetjes materiale për terroristët.

Ferizi, 20 vjeç, dyshohet se ka depërtuar në të dhënat e mbi 1,300 pjesëtarëve të ushtrisë amerikane dhe se të njëjtat i ka shpërndarë te grupi militant Shteti Islamik.

Prokurorët thonë se Ferizi, vitin e kaluar, ka depërtuar në të dhënat e një kompanie private dhe se ka siguruar emrat, fjalëkalimet e emaileve dhe numrat e telefonit të 1,351 ushtarëve amerikanë.

Shteti Islamik më pas i ka publikuar këto të dhëna në Tëitter, së bashku me kërcënime kundër ushtarëve.

Ferizi është arrestuar në Malajzi në muajin tetor dhe është dërguar në Shtetet e Bashkuara në janar.

Departamenti amerikan i Drejtësisë e ka cilësuar rastin si të parin të këtij lloji.

XS
SM
MD
LG