Ndërlidhjet

logo-print

Trump i dha mbështetje “profilizimit” të myslimanëve


Donald Trump gjatë një fjalimi në fillim të kësaj jave në një fushatë zgjedhore

Donald Trump gjatë një fjalimi në fillim të kësaj jave në një fushatë zgjedhore

Kandidati i supozuar republikan për nominim presidencial amerikan, Donald Trump, thotë se Shtetete Bashkuara duhet ta shqyrtojnë “seriozisht” profilizimin e myslimanëve si mjet në kuadër të luftës kundër terrorit.

Duke folur sot në emisionin televiziv, Face The Nation, zoti Trump ka argumentuar se vendet e tjera, si Franca, tashmë e përdorin profilizimin si mjet të agjencive për zbatimin e ligjit dhe “kjo nuk është gjëja më e keqe që të bëhet”.

Profilizimi është praktikë qeveritare e shënjestrimit të njerëzve për hetime bazuar në faktorët siç janë, raca e tyre, religjioni dhe kombësia.

Në Shtetet e Bashkuara, mbrojtësit e lirive civile këtë praktikë e kanë quajtur diskriminuese.

“E urrej konceptin e profilimit, por ne duhet të fillojmë ta përdorim mendimin praktik”, tha Trump.

Ky propozim është i fundit në vargun e deklaratave të zotit Trump, që kanë hasur në kritika të gjëra, për shkak të jokushtetutshmërisë potenciale, por edhe për shkak të potencialit për izolimin e një numri të madh të votuesve në zgjedhjet e përgjithshme presidenciale në nëntor të këtij viti.

XS
SM
MD
LG