Ndërlidhjet

logo-print

Mogherini kërkon miratimin e demarkacionit të kufirit me Malin e Zi


Presidenti i Kosovës, Hashim Thaçi dhe përfaqësuesja e Lartë e BE-së për Punë të Jashtme dhe Politika të Sigurisë, Federica Mogherini, 21 qershor 2016

Presidenti i Kosovës, Hashim Thaçi dhe përfaqësuesja e Lartë e BE-së për Punë të Jashtme dhe Politika të Sigurisë, Federica Mogherini, 21 qershor 2016

Përfaqësuesja e Lartë e BE-së për Punë të Jashtme dhe Politika të Sigurisë, Federica Mogherini ka kërkuar nga Kosova që sa më parë të përmbushë edhe “kriterin e fundi për liberalizmin e vizave, miratimin emarrëveshjes për demarkacionin e kufirit me Malin e Zi”.

Këtë komente Mogherini, citohet t’i ketë bërë gjatë një takimi që ka zhvilluar me presidentin e Kosovës Hashim Thaçi në Bruksel.

Në një komunikatë për media të lëshuar nga Zyra për komunikim e presidentit të Kosovës Hashim Thaçi, thuhet se përfaqësuesja e lartë e BE-së, Mogherini, është shprehur se “Kosova duhet të jetë optimiste për vendimin për liberalizimin e vizave”.

Presidenti Thaci, thuhet në kumtesë, e ka informuar përfaqësuesen e Lartë të BE-së, Mogherini, “për të arriturat e Kosovës dhe për përkushtimin e Kosovës për paqe dhe stabilitet në rajon”.

Ndërkaq, duke folur për procesin e vizave, Presidenti Thaçi u shpreh se “Kosova tani pret një vendim meritor”.

Presidenti Thaçi dhe Përfaqësuesja e Lartë e BE-së për Punë të Jashtme dhe Politika të Sigurisë, Federica Mogherini kanë biseduar edhe për dialogun ndërmjet Kosovës dhe Serbisë, për të cilin të dy bashkëbiseduesit janë pajtuar se duhet të vazhdojë dhe se “të gjitha vendet e rajonit duhet të mbeten të përkushtuara për ndërtimin e bashkëpunimit të sinqertë me njëri-tjetrin”.

Presidenti Thaçi, ka takuar sot gjatë ditës edhe Presidentin e Parlamentit Evropian, në kuadër të një vizite në institucionet e BE-së.

XS
SM
MD
LG