Ndërlidhjet

logo-print

Tusk: Të mbahet uniteti i 27 shteteve anëtare të BE-së


Donald Tusk gjatë deklaratës së tij të sotme në Bruksel lidhur me largimin e Britanisë nga BE-ja

Donald Tusk gjatë deklaratës së tij të sotme në Bruksel lidhur me largimin e Britanisë nga BE-ja

Presidenti i Bashkimit Evropian, Donald Tusk, tha se BE-ja është e “përcaktuar për ta mbajtur unitetin në numrin 27” dhe për ta parandaluar çfarëdo dezertimi të mëtejshëm. Me Britaninë, BE-ja i kishte 28 shtete anëtare.

Zoti Tusk ka njoftuar se liderët e BE-së do ta mbajnë një samit javën e ardhshme pa Britaninë, dhe do të fillojnë “reflektim të gjërë për të ardhmen e bashkimit tonë”.

Këto komente ai i bëri pas rezultateve të Komisionit Zgjedhor të Mbretërisë së Bashkuar, i cili zyrtarisht ka shpallur se votuesit britanikë janë përcaktuar për largim nga Bashkimi Evropian.

Sipas rezultateve zyrtare, 52% të votuesve ishin në favor të largimit nga BE-ja, ndërsa 48% votuan për mbetje në BE.

XS
SM
MD
LG