Policia e Serbisë tha se ka kapur 29 migrantë pa dokumente dhe se ka arrestuar një trafikues të dyshuar me njerëz.
Policia tha se i ka gjetur migrantët pranë Preshevës dhe se ata ndodheshin në dy makina me targa të rreme.
Kontrabanduesi i dyshuar përballet me akuzat për kalim të paligjshëm të kufirit dhe trafikim me njerëz.
Trafikimi i migrantëve përmes rajonit të Ballkanit ka qenë në rritje prejse vendet e rajonit kanë mbyllur kufijtë e tyre në muajin mars.
Mbi një milion njerëz, kryesisht të ikur nga Siria, Afganistani dhe Iraku, kanë hyrë në Evropë vitin e kaluar.