Afganistani synon reforma demokratike

Shefi ekzekutiv i Afganistanit, Abdullah Abdullah, ka thënë se Kabuli është duke punuar që të implementojë reformat para samitit të NATO-s në Varshavë, që do të mbahet më 8 dhe 9 korrik. Duke folur para ministrave të qeverisë, Abdullah ka thënë se donatorët ndërkombëtarë presin që Afganistani do të tregojë hapa drejt reformimit të sistemit zgjedhor dhe do të reduktojë korrupsionin. Takimi i donatorëve ndërkombëtar në samitin e NATO-s pritet se do të njoftojnë për kontributet e reja humanitare për siguri dhe zhvillim të Afganistanit. Niveli i ndihmave varet pjesërisht nga progresi i Afganistanit në kryerjen e reformave demokratike.