Ndërlidhjet

logo-print

Rebelët sirianë me përkrahjen e SHBA-ve e çlirojnë një aeroport nga IS


Ilustrim

Ilustrim

Luftetarët rebelë sirianë me ndihmën e forcave speciale të Shteteve të Bashkuara e kanë çliruar një aeroport ushtarak që kontrollohej nga grupi militant, Shteti Islamik.

Fjala është për një aeroport që gjendet në afërsi të qytezës, Al Bukamal, zonë afër kufirit me Irakun që kontrollohet nga IS, raporton Reuters duke u mbështetur në të dhënat e Obsveratoriumit Sirian për të Drejtat e Njeriut, me seli në Londër.

Operacioni sipas këtij grupi që përfshinte edhe ushtarë të huaj parashutistë ka ndodhur mëngjesin e sotëm. Operacioni është pasuar edhe nga luftime të ashpra.

Ushtria e Re Siriane që e ka përkrahjen e SHBA-ve ka njoftuar dje se e ka nisur sulmin për rimarrjen e kontrollit mbi qytezën që gjendet afër Lumit Eufrat.

Kjo do të dëmtonte mundësitë e qarkullimit të grupit ekstremist në mes të Sirisë dhe Irakut dhe brenda territoreve të Sirisë që kontrollohen nga IS.

XS
SM
MD
LG