Zyrtarët pakistanezë thonë se nga vërshimet e mëdha gjatë natës së kaluar, në pjesën veriore të Pakistanit, kanë humbur jetën 30 vetë.
Zyrtarë lokalë thanë sot herët në mëngjes se të reshurat e mëdha dhe vërshimet e kanë përfshirë një xhami dhe disa shtëpi në Arsun, në qarkun Çitral.
Sipas tyre, moti i lig i ka vështirësuar përpjekjet për shpëtim, por shumica e trupave të pajetë janë gjetur dhe identifikuar.
Çitral gjendet në veriun e largët të Pakistanit, në kufi me Afganistanin.