Ndërlidhjet

logo-print

Shqipëri: U ndaluan 18 afganë për kalim ilegal të kufirit


Një polic i Shqipërisë duke e vëzhguar kufirin me Greqinë

Një polic i Shqipërisë duke e vëzhguar kufirin me Greqinë

Policia e Shqipërisë thotë se i ka ndaluar 18 afganë, që ilegalisht e kishin kaluar kufirin nga Greqia dhe përpiqeshin të hynin në Kosovë, për të arritur në vendet e Evropës Perëndimore.

Policia i kishte ndaluar ata të shtunën në një minibus jo larg kufirit të Kosovës.

Sipas një njoftimi të djeshëm, policia ka njoftuar se i kishte arrestuar edhe pesë shqiptarë dhe një afgan tjetër, që e kishin organizuar kalimin ilegal të kufirit.

Të gjashtë të arrestuarit janë akuzuar për kalim ilegal të kufirit dhe për pjesëmarrje në organizatë kriminale.

Nëse shallen fajtorë, ata mund të dënohen deri në 15 vjet burg, raporton AP nga Tirana.

Të 18 migrantët janë dërguar në një qendër për refugjatë dhe me gjasë do të dëbohen në Greqi.

Deri tash, Shqipëria nuk ishte rrugë tranzitore për migrantët, që ishin nisur për në vendet e Evropës Perëndimore.

XS
SM
MD
LG