Zyrtarët e Pakistanit thonë se 33 vetë kanë humbur jetën nga vërshimet në pjesën veriperëndimore të këtij vendi.
Zyrtarët thanë sot se nuk ishin të sakta raportet e mëparshme se kanë humbur jetën 41 vetë.
Vërshimet e mëdha ishin shkaktuar nga të reshurat gjatë natës së 2 korrikut.
Autoritetet në rajonin Çitral, të provincës Khyber, thanë se 13 vetë ende konsiderohen të zhdukur.
Nga të reshurat e mëdha kanë humbur jetën edhe dy inxhinerë kinezë dhe dy punëtorë pakistanezë, për shkak të shkatërrimit të një konstruksioni në lokalitetin, Tarbela Mam, që po ashtu gjendet në provincën Khyber.
