Ndërlidhjet

logo-print

Turqi: U rrëzua një helikopter ushtarak, ka të vrarë


Ilustrim

Ilustrim

Së paku pesë vetë janë vrarë nga rrëzimi i një helikopteri ushtarak të Turqisë në provincën verilindore, Giresum, ka thënë sot kryeministri i këtij vendi, Binali Yildirim.

“Ka pasur të vrarë dhe të plagosur”, u tha Yildirim gazetarëve në Izmir, dhe ka shtuar se në helikopter gjendeshin 15 vetë.

“Pesë vetë janë të vdekur, e ndoshta më tepër”, tha kryeministri.

Ai theksoi se përjashtohet sulmi eventual terrorist dhe se helikopteri me gjasë u përplas për shkak të kushteve të vështira atmosferike.

Në helikopter gjendeshin një gjeneral, një kolonel dhe dy majorë ushtarakë, ka raportuar agjencia e lajmeve, Dogan.

Ai ishte rrëzuar pas vizitës që komandantët e lartë ushtarakë u kishin bërë ushtarëve për festën e Bajramit.

XS
SM
MD
LG