Ndërlidhjet

logo-print

Në nëntor në Vatikan bekohen 38 martirë fetarë shqiptarë


Papa Françesk afër presidentit Bujar Nishani gjatë vizitës në Shqipëri më 21 shtator 2014

Papa Françesk afër presidentit Bujar Nishani gjatë vizitës në Shqipëri më 21 shtator 2014

Kisha Katolike në Shqipëri thotë se Vatikani e ka caktuar datën 5 nëntor si ditë të bekimit të 38 martirëve fetarë shqiptarë të vrarë nga ish-regjimi komunist.

Në muajin prill, Papa Françesk zyrtarisht i ka njohur si martirë, kryepeshkopin Vinçens Prenushi, dhe 37 priftërinj të tjerë, që kishin vdekur në burg ose ishin vrarë në periudhën 1945 – 1974, nga regjimi i ish-diktatorit komunist, Enver Hoxha, ka njoftuar Kisha Katolike në Shqipëri.

Ish-regjimi komunist në Shqipëri e kishte shpallur të ndaluar religjionin në vitin 1967, ndërsa liderët dhe besimtarët fetarë i kishte persekutuar.

Gjatë vizitës së Papës Françesk në Tiranë, në vitin 2014, në Bulevardin e Dëshmorëve të Kombit në qendër të kryeqytetit, ishin vendosur posterët e 38 klerikëve.

Papa Françesk e konsideron Shqëpërinë, me popullatë shumicë myslimane dhe po ashtu me komunitete ortodokse dhe katolike, si model të harmonisë ndërfetare, raporton AP nga Tirana.

XS
SM
MD
LG