Ndërlidhjet

Mediat shtetërore turke: Putin dhe Erdogan takohen në gusht


Pamje nga një takim i mëparshëm Erdogan - Putin (djathtas)

Pamje nga një takim i mëparshëm Erdogan - Putin (djathtas)

Mediat shtetërore turke thonë se presidenti i Turqisë, Recep Tayyip Erdogan, do të takohet me presidentin e Rusisë, Vladimir Putin, në muajin gusht, që do të jetë takimi i tyre i parë direkt, prej nëntorit të vitit 2015, kur është rrëzuar një aeroplan luftarak rus nga Turqia.

Agjencia Anadolu, duke i cituar burimet presidenciale, ka raportuar se takimi do të mbahet në javën e parë të gushtit.

Sot Ankaraja dhe Moska kanë njoftuar se Putin më herët e kishte thirrë Erdoganin për të shprehur mbështetje pas përpjekjes vdekjeprurëse për puç në Turqi.

Në kumtesën e Zyrës së zotit Erdogan thuhet se Putin dhe Rusia qëndrojnë së bashku me “qeverinë e zgjedhur të Turqisë”.

Putin, po ashtu, ka diskutuar për sigurinë e turistëve rusë “nën kushtet aktuale të komplikuara” në Turqi, ka njoftuar Kremlini.

XS
SM
MD
LG