Ukrainë: Të shtëna me granata në pjesën lindore

Në pjesën lindore të Ukrianës janë dëgjuar të shtëna me granata dhe zjarr nga armët, që paraqet rastin e fundit të shkeljes së armëpshimit në këtë rajon. Pardje gjatë natës, ushtria e Ukrainës dhe separatistët prorusë janë përleshur në fshatin Luhanske. Kjo përleshje ka zgjatur afro dy orë. Nuk ka pasur raporte të menjëhershme për viktima eventuale. Prej arritjes së armëpushimit në shkurt të vitit 2015, ka pasur shpërthime të shpeshta të luftimeve. Monitoruesit e Organizatës për Siguri dhe Bashkëpunim në Evropë (OSBE) aktualisht kanë raportuar për rritje të armiqësive, ndërsa ky muaj ishte më vdekjeprurësi për pjesëtarët e ushtrisë së Ukrainës, për afro një vit.