Ndërlidhjet

Përleshje e armatosur në Armeni


Mijëra njerëz kanë marshuar nëpër kryeqytetin Jerevan në Armeni për disa netë të protestave, në mbështetje për një grup të armatosur, i cili e ka okupuar një stacion të policisë në këtë qytet. Pjesëmarrësit e marshimit ishin nisur për në stacionin e policisë, por ishin ndalur nga policia. Policia speciale kishte filluar t’i arrestojë njerëzit, një orë pasi ishte shpallur një operacion i sigurisë, ndërsa së paku 20 vetë ishin ndaluar. Protestuesit, sikur edhe grupi i armatosur, kanë kërkuar lirimin e liderit të tyre, Zhirayr Sefilian, i cili ishte arrestuar muajin e kaluar, i akuzuar për posedim ilegal të armatimit. Ata, po ashtu, kanë kërkuar dorëheqjen e presidentit të Armenisë, Serzh Sarkisian.Në afërsi, një spital ishte i mbrojtur nga pjesëtarët e maskuar të sigurisë, meqë aty dy pjesëtarë të grupit të armatosur i nënshtroheshin operacionit, për shkak të plagëve të shkaktuara gjatë përleshjes së armatosur me policinë. Një polic i plagosur, po ashtu, trajtohej në këtë spital. Më vonë, një zëdhënës i policisë tha se personat e mbetur të grupit, që ende janë të bllokuar në stacionin e policisë, i kanë rrëmbyer katër mjekë, të cilët kishin hyrë atje për tu dhënë ndihmë mjekësore dy personave të plagosur, që kishin refuzuar të dërgohen në spital.

Facebook Forum

XS
SM
MD
LG