Mesfushori i ekipit kombëtar gjerman, Bastian Schweinsteiger, është pensionuar nga futbolli ndërkombëtar.
Lajmi i raportuar nga Reuters mbështetet në të dhënat e vet futbollistit gjerman i cili ka thënë se është i dëshpëruar që nuk e ka përfunduar karrierën e tij me kupën e Evropës në Francë.
“Thjeshtë nuk ishte e shkruar dhe më duhet ta pranoj këtë”, ka thënë ai në profilin e tij në Twitter.
“Arritja më emocionale dhe historike më mbetët fitorja e Kupës së Botës në vitin 2014”, ka thënë ai.
Schweinsteiger ka luajtur 13 sezona me kampionin e Bundesligës gjermane, Bayern të Mynihut, ndërsa tani luan për ekipin anglez të Manchester United.
