Ndërlidhjet

Forcat e mbështetura nga SHBA-të kanë avancuar në Siri


Banorët civilë që janë larguar nga qyteti Manbij në Siri

Banorët civilë që janë larguar nga qyteti Manbij në Siri

Luftëtarët kurdë dhe arabë, të mbështetur nga sulmet ajrore të koalicionit të udhëhequr nga Shtetet e Bashkuara, tash e kanë kontrollin ndaj 40% të qytetit Manbij, i okupuar nga grupi esktremist, Shteti Islamik, ka thënë sot një grup monitorues.

Observatori sirian për të drejtat e njeriut me seli në Londër, që i ka vëzhguesit në terren në Siri, ka njoftuar se Forcat Demokratike të Sirisë (SDF) të mbështetura nga sulmet ajrore të Shteteve të Bashkuara e kanë marrë territorin më të madh të pjesës lindore të qytetit.

Ky grup monitorues tha se luftëtarët kurdë dhe arabë e kanë marrë kontrollin ndaj një klinike, një shkolle dhe një qarkullimi rethor në qendër të qytetit, pas luftimeve të ashpra.

Nuk është e qartë se a ka pasur viktima në njerëz.

Afro 2,300 civilë janë larguar nga qyteti Manbij, gjatë 24 orëve të fundit, por mijëra të tjerë ende mbeten brenda, duke e ngadalësuar avancimin e forcave të SDF-së.

Aktivistët dhe banorët kanë thënë se dhjetëra civilë janë vrarë këtë muaj gjatë sulmeve ajrore.

XS
SM
MD
LG