Ndërlidhjet

logo-print

Trump do të punonte me Rusinë për ta luftuar IS-in


Kandidati republikan për president, Donald Trump dhe presidenti rus, Vladimir Putin

Kandidati republikan për president, Donald Trump dhe presidenti rus, Vladimir Putin

Kandidati për president të SHBA-së i Partisë Republikane, Donald Trump, tha se do të punonte me Rusinë për të mposhtur grupin ekstremist Shteti Islamik dhe do të përdorte “kontrollet ekstreme” përpara se të lejonte hyrjen e emigrantëve në SHBA, nëse do të zgjidhej President.

Trump, në fjalimin e tij për politikën e jashtme u përqendrua në luftimin e ekstremistëve islamikë, në shtetin e Ohio të hënën, tha se “asnjëherë nuk mund të zgjedhim miqtë tanë, por nuk mund të dështojmë në njohjen e armiqve tanë”.

Ai shtoi se do të punonte “ngushtë me NATO-n në misionin” e luftimit të IS-it dhe të grupeve të tjera islamike.

Trump tha se ai do të krijonte një komision “për islamin radikal” si një prej akteve të tij si president dhe do të udhëzonte Departamentin e Shtetit që të hartojë një listë të rajoneve në botë prej nga askush nuk do të lejohej të migronte në SHBA.

Miliarderi dhe ish ylli i një show Televiziv sulmoi edhe kundërshtaren e tij kryesore për zgjedhjet presidenciale të 9 Nëntorit, Hillary Clinton, duke thënë se asaj i mungon “fuqia mendore dhe fizike” për t’i “përballuar shumë sfida”

Më herët Clinton akuzoi Trumpin për “qëndrime politike pro-Putin” dhe tha se menaxheri i fushatës së Trump, Paul Manafort, duhet të “zbulojë lidhjet e tij me subjekte ruse ose pro-Kremlinit”

Këto akuza u bazuan në njoftimet e New York Times se Manafort ka marrë miliona dollar nga partia e ish-presidentit të Ukrainës, Viktor Yanukovych, që ishte pro-Rus.

Manafort tha se ai ishte “një profesionist i fushatave” port ha se artikulli i New York Times ishte i pasaktë.

Zyrtarët e Ukrainës po i hetojnë akuzat.

XS
SM
MD
LG