Komandot e Policisë Speciale të Gjermanisë të mërkurën e kanë arrestuar një gjerman 27 vjeçar në qytetin lindor të Ajzenhytenshtadit pasi dyshohet se ka siguruar materiale që mund të përdoren si eksploziv.
Lajmi i publikuar nga agjencia e lajmeve Reuters mbështetët në të dhënat e zëdhënësit të policisë shtetërore të Brandenburgut.
Zëdhënësi nuk ka dashur të komentojë nëse i dyshuari ka ndonjë lidhje me grupe militantësh.
Zëdhënësi i policisë së Frankfurtit, qytetit më të madh që gjendet afër, ka thënë se i dyshuari është banor që nuk ka origjinë nga ndonjë shtet tjetër.
I pyetur nëse i dyshuari është islamist, zëdhënësi ka thënë se “asnjë prej dyshimeve për terrorizëm nuk janë konfirmuar”
