Ndërlidhjet

logo-print

FBI thotë se është hakuar sistemi online i votimit në dy shtete


Ilustrim

Ilustrim

Byroja Federale e Hetimeve (FBI) ka gjetur se në dy shtete në SHBA është hakuar sistemi online i votimit dhe u ka bërë thirrje të gjitha shteteve që të rrisin sigurinë kompjuterike, përpara zgjedhjeve presidenciale të nëntorit, kanë raportuar mediat amerikane sot.

Divizioni i Kibernetikës dërgoi një alarm gjatë këtij muaji pasi u gjetën shkelje në shtetin Illinois dhe Arizona. Ky alarm vjen pasi zyrtarët e inteligjencës amerikane kanë rritur shqetësimin se hakerët e spozorizuar nga Rusia dhe vende të tjera, mund të tentojnë që të ndërhyjnë në zgjedhjet presidenciale.

Ekspertët e sigurisë kompjuterike thonë se shkeljet e fundit në Komitetin Kombëtar Demokratik, ka gjasa që jenë kryer nga njerëzit që brenda qeverisë ruse. Kremlini ka mohuar çdo përfshirje në këtë çështje.

Databaza e votuesve të shteteve në SHBA, zakonisht përfshinë emrin e votuesit, adresën dhe informacione të tjera personale.

Yahoo Neës ka raportuar se sistemi i regjistrimit online të votuesve në Illinois, ka qenë i mbyllur për 10 ditë gjatë fundit të korrikut, pasi hakerët kishin shkarkuar të dhënat personale të më shumë se 200 mijë votuesve.

Ndërkaq, në Arizona sulmi ishte më i kufizuar dhe ndërhyrja në soutverët e sistemit të votimit ishte qëllim keqe.

Shqetësimet për sigurinë kompjuterike gjatë zgjedhjeve, u bën nga Sekretari për Siguri Jeh Johson dhe ai ka ofruar ndihmë shteteve që të bëjnë më të sigurt sistemin e tyre të votimit.

XS
SM
MD
LG