Presidenti i Republikës Sërpska, Millorad Dodik, tha se nuk heq dorë nga referendumi i planifikuar për 25 shtator.
Në këtë referendum, qytetarët e Republikës Sërpska të Bosnjës do të deklaroheshin nëse e mbështesin 9 janarin si Ditë të entitetit.
“Të gjitha përgatitjet për mbajtjen e referendumit po rrjedhin mirë”, tha Dodik, duke iu bërë thirrje qytetearëve që të dalin në votim.
Dodik i bëri këto komente gjatë takimit me ambasadorët e vendeve evropiane në Bosnje.
Referendumi i planifikuar ka shkaktuar reagime të shumta. Diplomatë të huaj kanë paralajmëruar se ai është në kundërshtim me Marrëveshjen e Dejtonit, e cila i ka dhënë fund luftës së viteve 1990, dhe se e çon Republikën Sërpska në izolim.
Marrëveshja e Dejtonit veçmë e ka ndarë Bosnjën në dy entitete të veçanta: Federata Myslimano-Kroate dhe Republika Sërpska.