Ndërlidhjet

Ka filluar takimi në mes të Sekretarit amerikan të Shtetit, John Kerry dhe ministrit të Jashtëm rus, Sergei Lavrov në Gjenevë.

Dy diplomatët do të diskutojnë për arritjen e një marrëveshje politike, e cila do të ndihmonte që t’i jepet fund konfliktit në Siri.

Përpara takimit, Departamenti i Shtetit tha se bisedimet do të fokusohen në “zvogëlimin e dhunës, zgjerimin e ndihmave humanitare për popullin sirianë dhe për ecjen përpara për të gjetur një zgjidhje politike, e cila është e nevojshme për përfundimin e luftës civile”.

Uashingtoni dhe Moska janë duke mbështetur anë të ndryshme në luftën civile, e cila ka vrarë mbi 400 mijë njerëz.

Kremlini mbështetë presidentin sirian Bashar al-Assad, ndërkaq SHBA i mbështetë grupet rebele që kërkojnë largimin e tij.

Në javët e fundit, Kerry dhe Lavrov kanë mbajtur bisedime lidhur me një marrëveshje, e cila do të rriste bashkëpunimin ushtarak SHBA-Rusi kundër grupit militant Shteti Islamik dhe grupe të tjera të ekstremistëve në Siri.

Më 8 shtator, Lavrov është takuar në Gjenevë me të dërguarin e posaçëm të OKB-së, Steffan de Mistura.

XS
SM
MD
LG