Ukraina ka njoftuar për vrasjen e parë gjatë luftimeve, pas arritjes së re të marrëveshjes së armëpushimit me separatistët e mbështetur nga Rusia.
Ky armëpushim u arrit më 1 shtator.
“Në ditët e kaluara, si pasojë e aktiviteteve ushtarak, një ushtar i yni ka vdekur dhe dy të tjerë janë plagosur”, ka thënë zëdhënësi i ushtrisë ukrainase, Andriy Lysenko.
Lysenko tregoi se ushtari është vrarë gjatë një sulmi të kryer nga separatistët në afërsi të qytetit Mariinka në rajonin e Donetskut.
Ai shtoi se separatistët kanë granatuar në afërsi të qytetit-port të Mariupolit.
Më herët gjatë kësaj jave, separatistët kanë thënë se një luftëtar i tyre është vrarë.
Prej muajit prill të vitit 2014, luftimet në mes të forcave qeveritare dhe separatistëve, kanë lëtë të vdekur më shumë se 9,500 persona në lindje të Ukrainës.