Ndërlidhjet

logo-print

Rritet frika nga kapaciteti bërthamor i Koresë V.


Lideri verikorean, Kim Jong Un.

Lideri verikorean, Kim Jong Un.

Koreja e Veriut është e gatshme të kryejë një provë të re bërthamore, raportoi media e Koresë së Jugut.

Agjencia e lajmeve Yonhap citoi zëdhënësin e Ministrisë jugkoreane të Mbrojtjes, Moon Sang-gyun, duke thënë se Phenjani “ka përfunduar përgatitjet” për provën në një tunel të pashfrytëzuar më parë, në lokacionin bërthamor Punnggye-ri.

“Vlerësimi nga inteligjenca e Koresë së Jugut dhe e SHBA-së, në lidhje me provën bërthamore të Koresë së Veriut, është se Veriu është në çdo kohë i gatshëm për një test të ri në zonën Punggye-ri”, tha Moon.

Kryeministri i Japonisë, Shinzo Abe, është shprehur veçanërisht i shqetësuar.

“Koreja e Veriut ka kryer dy teste bërthamore në vetëm nëntë muaj. Kjo është absolutisht e papranueshme”, tha Abe.

Koreja e Veriut ka kryer provën e pestë bërthamore të premten.

Në të njëjtën ditë, Këshilli i Sigurimit i Kombeve të Bashkuara është pajtuar për sanksione shtesë kundër Phenjanit.

Shpërthimin e parë bërthamor, Veriu e ka bërë më 2006.

XS
SM
MD
LG