Ndërlidhjet

logo-print

Hungari: Papritmas është mbyllur gazeta më e madhe opozitare


Pamje nga Budapesti

Pamje nga Budapesti

Pronari i gazetës më të madhe opozitare në Hungari thotë se e ka pezulluar botimin e saj, në një lëvizje që me siguri i thekson shqetësimet për demokraci dhe shprehje të lirë, që po paraqiten në këtë vend anëtar të Bashkimit Evropian, me 10 milionë banorë.

Megjithatë, pronarja e së përditshmes Nepszabadsag,kompania Mediaworks, e mbështetur nga investitorët austriakë, tha sot se mbyllja ishte vendim biznesor, i ndërmarrë për të lejuar “formulimin dhe realizimin e konceptit të ri”.

Opozitarët socialistë, pavarësisht nga kjo, kanë vlerësuar se kjo ishte “ditë e zezë për shtyp” dhe kanë kërkuar që të mbahet protestë para zyrave të gazetës.

Kjo gazetë, shpeshherë ka qenë kritike ndaj qeverisë së qendrës së djathtë të kryeministrit, Viktor Orban, të cilën liderët evropianë, po ashtu, e kanë kritikuar për sulme të perceptuara kundër mediave të lira dhe për shkak të politikës në rritje kundër migrantëve.

XS
SM
MD
LG