Ndërlidhjet

Rohani: Zgjedhjet amerikane ndërmjet “të keqes dhe më të keqes”


Rohani gjatë fjalimit të tij në Arak, Iran

Rohani gjatë fjalimit të tij në Arak, Iran

Presidenti Iranian, Hassan Rohani, tha se ai nuk ka ndonjë preferencë në zgjedhjet e ardhshme amerikane, të cilat i ka përshkruar si një zgjidhje ndërmjet të “keqes dhe më të keqes”.

Kandidatja demokrate për presidente të SHBA-ve, Hillary Clinton, do të përballet me rivalin e saj republikan, Donald Trump, në zgjedhjet amerikane që do të mbahen më 8 nëntor.

“Në OKB, lideri i një vendi më pyeti se cilin kandidat e preferoj. Unë u përgjigja: ‘A e parapëlqej të keqin para atij që është më i keq, apo e kundërta?”, ka thënë Rohani, gjatë një fjalimi në Arak, në qendër të Iranit.

Rohani tha se atij i ka lënë përshtypje mënyra se si Clinton dhe Trump e “akuzojnë dhe fyejnë njëri tjetrin”, duke aluduar në debatet televizive presidenciale në SHBA.

Ai shtoi se “morali nuk ekziston” në Shtetet e Bashkuara të Amerikës, vend ky që, sipas Rohanit, “pretendon se ka demokraci që 200 vjet”.

XS
SM
MD
LG