Seanca gjyqësore ndaj Naser Kelmendit

Fahrudin Radonçiq, politikan dhe biznesmen i njohur nga Bosnja e Hercegovina është paraqitur si dëshmitar në gjykimin ndaj Naser Kelmendit, i akuzuar për vrasje dhe një varg veprash që lidhen me trafik narkotikësh. Radonçiq është paraqitur në sallën e Pallatit të Drejtësisë në Prishtinë, ndonëse seanca është shtyrë për një orë për shkak të mungesës së Kelmendit. Edhe Radonçiq është duke u gjykuar në Bosnje për pengim të drejtësisë. Radonçiq i ka mohuar këto pretendime dhe ka mohuar se është përfshirë në rastin Kelmendi. Ndryshe, Naser Kelmendi akuzohet për tregti me drogë, krim të organizuar, si dhe vrasjen e personit Ramiz Delaliq, shtetas i Bosnjë Hercegovinës.