Vizita e kryeprokurorit të Hagës në Beograd
Kryeprokurori i Tribunalit Ndërkombëtar për Krime Lufte për ish-Jugosllavinë, Serge Brammertz, është takuar me prokurorin serb për Krime Lufte, gjatë ditës së dytë të vizitës së tij në Beograd. Nuk ka pasur asnjë prononcim për medie, por pritej që ai të dorëzonte dëshmitë që kanë të bëjnë me rastin e ish gjeneralit serb të Bosnjës, Ratko Mlladiq- aktualisht në gjyq në Hagë për rolin e tij në masakrën e vitit 1995 në Srebrenicë. Në ditën e parë të vizitës së tij, Brammertz pati kritika ndaj kryeministrit serb, Aleksandër Vuçiq, për dështim të autoriteteve serbe ne arrestimin e tre personave që pretendohet se kanë kërcënuar dëshmitarët e Gjykatës Ndërkombëtare të Hagës.
Facebook Forum