Ndërlidhjet

Trump premton të jetë president i të gjithë amerikanëve

Donald Trump, biznesmen miliarder, ka fituar zgjedhjet presidenciale në Shtetet e Bashkuara. Ai do të udhëheqë Shtëpinë e Bardhë në katër vjetët e ardhshëm.


Donald Trump

Donald Trump

Përmbledhja

Kandidati republikan, Donald Trump, është zgjedhur presidenti i 45-të i Shteteve të Bashkuara. Ai do të udhëheqë Shtëpinë e Bardhë në katër vjetët e ardhshëm. Trump ka fituar 276 vota elektorale. Trump, manjat i pasurive të patundshme, pa përvojë politike, ka mposhtur rivalen demokrate, Hillary Clinton. Ai ka premtuar se do ta bëjë Amerikën “të madhe përsëri”, me krijimin e më shumë vendeve të punës dhe me uljen e taksave. Trump është zotuar se do të ngrejë mur në kufirin SHBA-Meksikë dhe se do të kufizojë hyrjen e myslimanëve në SHBA. Ai vazhdimisht e ka lavdëruar presidentin rus, Vladimir Putin, duke e cilësuar si “lider të madh”. Vlera neto e pasurisë së Trumpit llogaritet midis 3 miliardë dhe 3.7 miliardë dollarë.

12:44 9.11.2016

Thaçi uron Trumpin

Presidenti i Kosovës, Hashim Thaçi, i ka uruar fitoren Donald Trumpit në zgjedhjet për president të Shteteve të Bashkuara të Amerikës.

“Në emër të popullit dhe institucioneve të Kosovës i uroj presidentit të zgjedhur amerikan, Donald Trump, fitoren në zgjedhjet presidenciale dhe mandat të suksesshëm në realizimin e prioriteteve të popullit amerikan”, ka thënë Thaçi.

Ai ka theksuar se Miqësia e përhershme ndërmjet dy vendeve dhe popujve është bazamenti mbi të cilin do ta vazhdohet thellimi dhe bashkëpunimi dypalësh.

12:32 9.11.2016

Merkel uron Trumpin

Kancelarja gjermane, Angela Merkel, e ka uruar Donald Trumpin për fitoren e tij në zgjedhjet presidenciale dhe i ka ofruar bashkëpunim të ngushtë mbi bazën e vlerave të demokracisë, lirisë, respektit të ligjit dhe të dinjitetit të njerëzve, pavarësisht origjinës, ngjyrës së lëkurës, fesë, gjinisë, orientimeve seksuale ose pikëpamjeve politike.

12:07 9.11.2016

Vuçiq ka uruar Trumpin

Kryeministri i Serbisë, Aleksandar Vuçiq ka uruar Donald Trumpin për fitoren e madhe zgjedhore për president të Shteteve të Bashkuara të Amerikës, me shpresën që kjo fitore do të kontribuojë për vazhdimin në përparimin e marrëdhënieve bilaterale të dy shteteve.

12:05 9.11.2016

Haradinaj uron popullin amerikan dhe presidentin Trump

Kryetari i Aleancës për Ardhmërinë e Kosovës, Ramush Haradinaj ka uruar popullin amerikan për zgjedhje të mira dhe për zgjedhjen e Presidentit të ri të SHBA-së, Donald Trump.

“Njëkohësisht urimet më të mira për Presidentin e ri Donald Trumop, me bindjen e thellë se Shtetet e Bashkuara të Amerikës, nën drejtimin e tij, do të vazhdojnë të jenë partner strategjik i Kosovës dhe i Ballkanit, në rrugëtimin drejt demokracisë perëndimore”, thuhet në urimin e Haradinajt.

Kosova e vogël do të vazhdojë të jetë një aleate dhe një mike e Amerikës së madhe, ka nënvizuar Haradinaj.

Po ashtu, ai i ka shprehur mirënjohje të thellë Sekretares Amerikane të Shtetit, Hillary Clinton, një mike e madhe e Kosovës, për gjithë çfarë ka bërë për Kosovën.

Trego më shumë

XS
SM
MD
LG