Ndërlidhjet

logo-print

SHBA: Vazhduan protestat kundër Trumpit, arrestime në Portland


Pamje nga protestat kundër zgjedhjes së Donald Trumpit në Menhetën të Nju Jorkut

Pamje nga protestat kundër zgjedhjes së Donald Trumpit në Menhetën të Nju Jorkut

Mijëra vetë kanë dalur mbrëmë në rrugët e qyteteve në Shtetet e Bashkuara, në kuadër të protestave për shkak të zgjedhjes së Donald Trumpit për president amerikan.

Disa mijëra njerëz mbrëmë kanë marshuar rrugëve të qendrës së Çikagos, duke brohoritur “jo urrejtje, jo frikë, imigrantët janë të mirëseardhur këtu”.

Në Menhetën të Nju Jorkut afro 2 mijë vetë kanë brohoritur “nuk është president imi”, derisa kanë marshuar kah selia e zotit Trump.

Nuk është raportuar për trazira ose dhunë.

Protesta ka pasur edhe në Los-Anxhelos, Portlaned dhe Majami.

Në Portland, gjatë natës, mijëra vetë kanë mbajtur protestë kryesisht paqësore. Por, ka pasur edhe dhunë, kur një demonstrues është plagosur, por jeta e tij nuk është në rrezik.

Policia në këtë qytet i ka arrestuar katër vetë lidhur me këtë të shtënë nga arma dhe ka njoftuar se gjithsej 17 vetë janë arrestuar prej fillimit të protestave më herët këtë javë.

XS
SM
MD
LG