Në Moldavi sot po mbahet rrethi i dytë i zgjedhjeve presidenciale, në të cilat do të përcaktohet se a do të lëvizet kah Rusia apo Bashkimi Evropian.
Kandidatë janë Igor Dodon, lider i Partisë Socialiste dhe ish-ministër i tregtisë nën qeverinë komuniste, dhe Maia Sandu, ish-ministre e arsimit.
Në rrethin e parë të zgjedhjeve Dodon ka pasur epërsi bindëse, por kjo nuk i mjaftoi që ta ketë shumicën e paraparë që të mos ketë nevojë për rund të dytë zgjedhor. Ai vlerësohet si kandidat, i cili është në favor të afrimit me Rusinë.
Rivalja e tij, Maia Sandu, është shprehur për lëvizje kah integrimi në Bashkimin Evropian.
Ky është votimi i parë direkt për president, prej vitit 1997, pasi për këtë post votohej në parlament.
Procesi i votimeve po monitorohet nga qindra vëzhgues ndërkombëtarë.
Rezultatet e para zyrtare priten nesër në mëngjes.
