Ushtria e Irkaut thotë se forcat e saj e kanë rimarrë kontrollin në qytetin verior, Nimrud, që ishte okupuar nga grupi ekstremist, Shteti Islamik.
“Trupat nga Divizioni i Blinduar e kanë çliruar krejtësisht Nimrudin dhe e kanë ngritur flamurin e Irakut në ndërtesat e tij, pasi armiku ka pësuar humbje të rënda”, thuhet në kumtesën e sotme të ushtrisë.
Ekstremistët e Shtetit Islamik këtë qytet e patën marrë para dy vitesh.
Qyteti Nimrud gjendet afro 30 kilometra në juglindje të Mosulit, të cilin forcat e qeverisë së Irakut po përpiqen ta rimarrin nga luftëtarët e Shtetit Islamik.