Akademia Suedeze ka bërë të ditur se këngëtari amerikan dhe kantautori Bob Dylan, fitues i Çmimit Nobel për Letërsi në vitin 2016, nuk do të marrë pjesë në cermoninë e ndarjes së Çmimit më 10 Dhjetor në Stockholm.
Njoftimi u bë një muaj pasi Akademia Suedeze pati deklaruar se Dylan ka fituar çmimin prestigjioz – me arsyetimin se “ka kijuar shprehje të reja poetike në traditën e bukur të këngës amerikane”
Ai njoftohet të ketë refuzuar që të flas në telefon për javë të tëra me përfaqësuesit e Komitetit Nobel.
Përgjigja e parë e Dylanit erdhi përmes një interviste në gazetën britanike The Telegraph në të cilën tha: “A nuk është diçka kjo”.
Ai i tha gazetës se “absolutisht” planifikon që të marrë pjesë në ceremoni nëse “kjo është e mundshme” me qëllim që të marrë personalisht çmimin prej 900 mijë dollarësh nga Mbreti Carl Gustaf.
