Trupat irakiane janë përballur me rezistencë të fuqishme nga grupi militant Shteti Islamik, kur po provoni të afroheshin në Mosulin lindor, tha një komandant i lartë ushtarak.
Në mëngjes trupat arritën të hyjnë në paralagjet e Muharabeen dhe në Ulama pasi kanë çliruar plotësisht lagjet e Tahririt të premtën, tha gjeneral majori Sami al-Aridi. Ai tha se militantët e IS-it kanë rezistuar duke shtënë më snajper dhe me raketa hedhës.
Një numër i civilëve, njofton AP, ka ikur drejt rajoneve të kontrolluara nga qeveria.
Ne perëndim të Mosulit, milicia Shiite mori kontollin e aerportit ushtarak Tal Afar, tha Jaafar al-Husseini, një zëdhënës i Brigadave Hezbollah me ndikim. Al-Husseini tha se përleshjet pothuaj kanë shkatërruar aeroportin dhe se marrja e tij ka një domethënie të madhe për avancimin e mëtejmë
Ofenziva për rimarrjen e Mosulit, që është nën kontroll të IS-it, nisi që më 17 tetor, dhe është operacioni më I madh ushtarak në Irak që prej largimit të trupave në vitin 2011. Në rast të suksesit, marrja e Mosulit do të ishte humbja më e madhe për kalifatin e vetëshpallur të IS-it që shtrihet deri në Siri.
Bazuar në shënimet e OKB-së, më shumë se 56 mijë civilë janë detyruar që të largohen nga shtëpitë e tyre që prej fillimit të operacionit, nga 1.5 milionë civilë sa jeotjnë në Mosul dhe përreth tij.
Grupi ekstremist IS e mori Mosulin, qytetin e dytë më të madh në Irak, në verën e vitit 2014. (REL)