Një aeroplan pakistanez që kishte në bord 47 persona është rrëzuar në pjesën veriore të Pakistanit, rreth 70 km në veri të Islamabadit, njoftojnë zyrtarët.
Ekipet e shpëtimit janë ende duke kërkuar në zonën ku është rrëzuar aeroplani, por mbetët e paqartë nëse ka të mbijetuar.
Reuters, duke e cituar një zyrtar të sigurisë raporton se është pak e besueshme që të ketë të mbijetuar.
Ushtria pakistaneze, e cila është pjesë e operacioneve të shpëtimit, përmes një komunikate ka thënë se deri më tash janë gjetur 36 trupa.
Rreth 500 ushtarë kanë arritur në vendin e ngjarjes, krahas ekipeve mjekësore.
Gjithashtu thuhet se dëshmitarët e kanë parë se aeroplani ka qenë i përfshirë nga zjarri para se të rrëzohej.
Aeroplani fluturonte nga qyteti pakistanez, Chitral për në kryeqytet.