Hahn në Shkup, pritet të shtyjë përpara formimin e Qeverisë

Komisioneri për zgjerim i Bashkimit Evropian, Johannes Hahn ka arritur në Shkup të Maqedonisë, ku do të zhvillojë bisedime me ministrat e jashtëm të vendeve të Ballkanit Perëndimor. Hahn gjithashtu pritet që të shtyjë përpara formimin e një koalicioni të gjerë qeveritar në Maqedoni, ku bisedimet ndërmjet partive politike kanë ngecur që prej zgjedhjeve të mbajtura në dhjetor. Zgjedhjet e dhjetorit u ndërmjetësuan nga Hahn, e që kishin për qëllim dhënien fund të krizës së gjatë politike.